ჰამბურგი vs ზანქტ პაული – ბუნდესლიგის მე-2 ტურის სასტარტო შეხვედრა ჰამბურგული დერბი იქნება. ფოლსკპარკ შტადიონზე გიორგი გოჩოლეიშვილის დებიუტი შედგება.
პირველ ტურში ჰამბურგმა მიონხენგლადბახთან, გასვლაზე 0-0 ითამაშა, ხოლო ზანქტ პაულიმ დორტმუნდთან მატჩი შინ შემოატრიალა და მატჩი 3-3 დაასრულა.
ჰამბურგი vs ზანქტ პაული – პირდაპირი რეპორტაჟი
მატჩის ლაივი 22:30 წუთიდან დაიწყება. ქართულენოვანი რეპორტაჟის კომენტატორები გიორგი ფულარიანი და ვახო გოგალაძე იქნებიან.
ჩვენს პლატფორმაზე ფასდაკლების მისაღებად შეგიძლიათ, პრომო კოდები NEWS25 ან YEAR25 გამოიყენოთ.
NEWS25 – ერთთვიან გამოწერაზე – 30%.
YEAR25 – ერთწლიან გამოწერაზე – 30%.
პროცესი ამ ორი ბანერიდან სასურველზე ხელის დაჭერითაც შეგიძლიათ დაიწყოთ.
ამასთან, ძველი პრომო კოდები – NEWS24 და YEAR24 კვლავ აქტიურია.
ჰამბურგი vs ზანქტ პაული – გამორჩეული დერბი
ჰამბურგის დერბი – ორი სამყაროს დაპირისპირება – ეს დერბი გერმანიის მეორე უდიდესი ქალაქის გამორჩეული და ემოციური მატჩია. „ჰამბურგი“ (HSV) და „ზანქტ პაული“ საუკუნეზე მეტია ერთმანეთს ეჯიბრებიან, თუმცა მათი გზები და იდენტობა ერთმანეთისგან იმდენად განსხვავებულია, რომ ყოველი დაპირისპირება არა მხოლოდ სპორტულ ბრძოლად, არამედ ქალაქის არსაებული ორი სულის ჭიდილად იქცევა ხოლმე.
დასაწყისი
ჰამბურგი 1919 წელს სამმა კლუბმა გააერთიანა და მალევე ჰამბურგის საფეხბურთო ძალაუფლების სიმბოლოდ იქცა. 1924 წელს ოფიციალურად ჩამოყალიბებულ „ზანქტ პაულის“ მაშინ ჯერ კიდევ უჭირდა მეტოქისთვის წინააღმდეგობის გაწევა – პირველი შვიდი შეხვედრა ჰაესფაუმ 43:6 ჯამური ანგარიშით მოიგო.
მეორე მსოფლიო ომის შემდეგ თითქოს მცირე ბზარი გაჩნდა: 1946/47 სეზონში „ზანქტ პაულიმ“ ქალაქის ჩემპიონობა მოიპოვა და „სასწაულებრივ გუნდად“ შეირაცხა. თუმცა HSV კვლავ შეუჩერებლად მიიწევდა წინ და 1963 წელს ბუნდესლიგის დამფუძნებელ კლუბადაც იქცა.
განსხვავებული გზები
1977 წელს „ზანქტ პაული“ პირველად ავიდა ბუნდესლიგაში და ისტორიული გამარჯვებით ჰამბურგი სტუმრად 2:0 დაამარცხა. მაგრამ ფინანსურმა პრობლემებმა სწრაფად უკან დააბრუნა – მაშინ როცა დინოზავრებს ოქროს ეპოქა ედგათ. ჰამბურგი გერმანიის ჩემპიონობას იგებდა, ევროტურნირებზე დასკვნით ეტაპებზე გადიოდა და 1983 წელს ევროპის თასსაც შესწვდა.
იდენტობების დაპირისპირება
1980-იან წლებში გერმანულ სტადიონებზე უკიდურესად მემარჯვენე ჯგუფები გაძლიერდნენ. HSV-ის ქომაგებშიც ჩნდებოდა ასეთი ელემენტები.
სწორედ მაშინ „ზანქტ პაული“ სრულიად სხვა სიმბოლოდ იქცა: სტადიონზე ალტერნატიული, მემარცხენე ახალგაზრდობა იკრიბებოდა.
„ზანქტ პაულიმ“ პირველი გერმანული კლუბის სახელი მოიპოვა, რომელმაც სტადიონზე სექსისტური და რასისტული ქცევები აკრძალა. ასე ჩამოყალიბდა კლუბის სახე: უფრო მეტად ღირებულებების, ვიდრე ტიტულების გუნდი; განსხვავებულობისა და ალტერნატივის სიმბოლო.
ახალი ეპოქა
1988 წელს „ზანქტ პაული“ ისევ ბუნდესლიგაში დაბრუნდა, მაგრამ HSV-ს წინააღმდეგობა მაინც ვერ გაუწია – მომდევნო 12 შეხვედრაში გამარჯვება ვერ მოიპოვა. „ექვსჯერ ჩემპიონები, ოთხჯერ თასის მფლობელები, ყოველთვის პირველი ლიგა – HSV!“ – ამ სიტყვებით HSV-ის ფანები მეტოქეს მუდმივ უპირატესობას ახსენებდნენ.
2000-იან წლებში „ზანქტ პაული“ მორიგი ფინანსური კრიზისისას მხოლოდ გულშემატკივართა ძალისხმევამ გადაარჩინა – კონცერტებით, აქციებით, საქველმოქმედო მატჩებით. შედეგად, 2010 წელს ბუნდესლიგაში დაბრუნდა და სტუმრად ისტორიული მატჩიც 1:0 მოიგო. ჯერალდ ასამოას გოლს დღემდე, ქალაქში განსაკუთრებული ემოციით იხსენებენ.
მეორე დივიზიონის ბრძოლები
2018 წელს HSV პირველად ისტორიაში ბუნდესლიგიდან გავარდა და დერბი მეორე დივიზიონის რეალობად იქცა. სწორედ აქ „ზანქტ პაულიმ“ უფრო ხშირად დაიწყო ისტორიის გადაწერა: 2019/20 სეზონში ორჯერ დაამარცხა მეტოქე, 2020/21-ში საკუთარ მოედანზე 1:0 იმარჯვა, 2021/22-ში კი 3:2 გაახარა თავისი ფანები.
2022 წელს „ზანქტ პაულიმ“ ქალაქის ჩემპიონობა იზეიმა – სწორედ მაშინ გახდა ნათელი, რომ ეს დაპირისპირება მხოლოდ სპორტს აღარ ეკუთვნოდა.
დღევანდელობა
2025 წელს ჰამბურგის დერბი კვლავ ბუნდესლიგაში დაბრუნდა. ჰამბურგი და ზანქტ პაული დღესაც ერთ ქალაქს წარმოადგენენ, მაგრამ თითქოს ორ პარალელურ სამყაროში ცხოვრობენ: HSV ტრადიციულ დიდ კლუბად რჩება, ზანქტ პაული კი თავისი ღირებულებებითა და იდენტობით კვლავ საკუთარ ნიშას ინარჩუნებს.
დერბი უკვე აღარ არის უბრალოდ სამი ქულა. ეს არის ბრძოლა ქალაქის გულისთვის, განსხვავებული ხედვებისთვის და იმაზე, თუ რა შეიძლება იყოს ფეხბურთი – ძალაუფლების სიმბოლო, თუ საზოგადოების სარკე.
ჰამბურგის დერბი მხოლოდ ფეხბურთი არ არის. ეს არის ქალაქის გაყოფილი სული – მდიდარი ტრადიციების მქონე ჰამბურგი და ალტერნატიული, მებრძოლი ზანქტ პაული.
ეს არის ფანების ენთუზიაზმი, რომლებიც დერბის დღეს ჰამბურგის ქუჩებს ფეხბურთის ფესტივალად აქცევენ.
და ბოლოს, ეს არის ისტორია, რომელიც არ ჩერდება – ყოველ ახალ შეხვედრაში იწერება ახალი თავი, რომელიც ქალაქის მეხსიერებაში სამუდამოდ რჩება.
და რამდენად სასიამოვნოა, რომ ამ დერბისა და ისტორიის ნაწილი დღეს გიორგი გოჩოლეიშვილიც გახდება.
