GFF Awards 2024 გიორგი მამარდაშვილი წლის საუკეთესო კაცი ფეხბურთელი გახდა. საქართველოს ფეხბურთის ფედერაციის 2024 წლის დაჯილდოებაზე სხვადასხვა ნომინაციაში საუკეთესოები გამოავლინეს.
GFF Awards 2024-ის ნომინაციებში რჩეულთა გამოსავლენად გამოკითხვაში მონაწილეობა მიიღეს ვეტერანმა ფეხბურთელებმა, სპორტულ ჟურნალისტთა ასოციაციის წარმომადგენლებმა, ქალთა ლიგის და ფუტსალის ლიგის კლუბების წარმომადგენლებმა.
გამარჯვებულებისთვის სპეციალური ჯილდოები დააწესა კოკა-კოლა ბოთლერს ჯორჯიამ. კომპანიის გადაწყვეტილებით, ალექსანდრე ჩივაძის სახელობის 17 და 19-წლამდე ოქროს, ვერცხლის და ბრინჯაოს მედლის მფლობელებს გადაეცემათ ფულადი ჯილდო 3, 5 და 10 ათასი ლარის ოდენობით.
საუკეთესო მსაჯის ნომინაციაში გამარჯვებულს 10 ათასი ლარი, ხოლო წლის საუკეთესო აზალგაზრდა ფეხბურთელს და ფუტსალის საუკეთესო მოთამაშეს 15 ათასი ლარი გადაეცა. საუკეთესო ქალ და კაც ფეხბურთელებს – 50 ათასი ლარი. გარდა ამისა, ყველა გამარჯვებულს გადაეცა კოკა-კოლას საკოლექციო ბოთლი.
GFF Awards 2024 – შედეგები
ევროპის ჩემპიონატზე ყველაზე მეტი, 29 მოგერიება და მაღალ დონეზე, ლა ლიგაში ჩატარებული სეზონი გიორგი მამარდაშვილის სასიკეთოდ მეტყველებდა.
ურიგო წელი არც გიორგი მიქაუტაძეს, ხვიჩა კვარაცხელიას, გიორგი ჩაკვეტაძეს, ბუდუ ზივზივაძეს, გიორგი ქოჩორაშვილს ან ოთარ კიტეიშვილს ჰქონიათ, თუმცა მამარდას შედეგები უალტერნატივოდ მოსჩანდა.
იმავე ითქმის სხვა ნომინაციებზეც. კონკურენცია იყო, თუმცა ლიდერები ყველგან გამოკვეთილი იყო.
| 2024 წლის საუკეთესო კაცი ფეხბურთელი | გიორგი მამარდაშვილი |
| 2024 წლის საუკეთესო ქალი ფეხბურთელი | თეონა ბაქრაძე |
| 2024 წლის ფუტსალის საუკეთესო მოთამაშე | გიორგი ღავთაძე |
| 2024 წლის საუკეთესო ახალგაზრდა ფეხბურთელი | საბა გოგლიჩიძე |
| 2024 წლის საუკეთესო მსაჯი | გიორგი ყრუაშვილი |
ვინ ვის მისცა ხმა დეტალურად ამ ბმულზე შეგიძლიათ იხილოთ.
Setanta Sports-ისა და ჩემი არჩევანი ასეთი იყო:
| საუკეთესო კაცი ფეხბურთელი | |
| I | გიორგი მამარდაშვილი |
| II | გიორგი მიქაუტაძე |
| III | ხვიჩა კვარაცხელია |
| საუკეთესო ქალი ფეხბურთელი | |
| I | თეონა ბაქრაძე |
| II | თათია გაბუნია |
| III | მარიამ კალანდაძე |
| ფუტსალის საუკეთესო მოთამაშე | |
| I | გიორგი ღავთაძე |
| II | შოთა თოფურია |
| III | გიორგი ჩიმაკაძე |
