ჩემპიონთა ლიგა 2024-25 წლების სეზონი სრულად დაკომპლექტდა. ევროპის ნომერ პირველი საკლუბო ტურნირი ახლებური ფორმატით პირველად გაიმართება.
ლიგის კვალიფიკაციის პლეი ოფში ბოლო 7 გუნდის ვინაობაც გაირკვა. პრესტიჟულ ტურნირზე პირველად იასპარეზებს გურამ კაშიას ბრატისლავის სლოვანი, რომელმაც მიდტიულანდი დრამატულ ბრძოლაში დაამარცხა.
ჩემპიონთა ლიგა 2024-25 – კვალიფიკაციის პლეი ოფი
| ყარაბაღი | 0-5 | ზაგრების დინამო |
| ბელგრადის რედ სტარი | 3-2 | ბოდო გლიმტი |
| პრაღის სლავია | 2-3 | ლილი |
| ბრატისლავის სლოვანი | 4-3 | მიდტიულანდი |
| გალათასარაი | 2-4 | იანგ ბოიზი |
| ზალცბურგი | 3-1 | კიევის დინამო |
| პრაღის სპარტა | 4-0 | მალმიო |
ჩემპიონთა ლიგა 2024-25 – მონაწილეები
ლიგის ძირითადი ფაზა სრულად დაკომპლექტების შემდეგ ასე გამოიყურება. 36 კლუბი ევროპის 16 ქვეყანას წარმოადგენს.
ყველაზე მეტი 5-5 გუნდი გერმანიასა და იტალიას ეყოლებათ. 4-4 გუნდით არიან წარმოდგენილი ინგლისი, ესპანეთი და საფრანგეთი. 2-2 გუნდი ეყოლება პორტუგალიას, ნიდერლანდებსა და ავსტრიას. დანარჩენ 8 ქვეყანას თითო წარმომადგენელი ეყოლება.
სასიამოვნოა, რომ ჩემპიონთა ლიგაზე ვნახავთ 3 ქართველ ფეხბურთელს. ოთარ კიტეიშვილი – შტურმი, გურამ კაშია – სლოვანი და ირაკლი აზაროვი – შახტარი.
| კლუბი | ქვეყანა |
| მანჩესტერ სიტი | ინგლისი |
| არსენალი | ინგლისი |
| ლივერპული | ინგლისი |
| ასტონ ვილა | ინგლისი |
| მადრიდის რეალი | ესპანეთი |
| ბარსელონა | ესპანეთი |
| ჟირონა | ესპანეთი |
| ატლეტიკო | ესპანეთი |
| ლევერკუზენის ბაიერი | გერმანია |
| შტუტგარტი | გერმანია |
| მიუნხენის ბაიერნი | გერმანია |
| ლაიფციგი | გერმანია |
| დორტმუნდის ბორუსია | გერმანია |
| ინტერი | იტალია |
| მილანი | იტალია |
| იუვენტუსი | იტალია |
| ატალანტა | იტალია |
| ბოლონია | იტალია |
| პსჟ | საფრანგეთი |
| მონაკო | საფრანგეთი |
| ბრესტი | საფრანგეთი |
| ლილი | საფრანგეთი |
| სპორტინგი | პორტუგალია |
| ბენფიკა | პორტუგალია |
| ფეიენოორდი | ნიდერლანდები |
| პსვ ეინდჰოვენი | ნიდერლანდები |
| ბრიუგე | ბელგია |
| სელტიკი | შოტლანდია |
| დონეცკის შახტარი | უკრაინა |
| გრაცის შტურმი | ავსტრია |
| ზალცბურგი | ავსტრია |
| ბრატისლავის სლოვანი | სლოვაკეთი |
| პრაღის სპარტა | ჩეხეთი |
| იანგ ბოიზი | შვეიცარია |
| ზაგრების დინამო | ხორვატია |
| ბელგრადის რედ სტარი | სერბეთი |
ჩემპიონთა ლიგა 2024-25 – ფორმატი
ლიგაზე 32-ის ნაცვლად 36 გუნდი იქნება. აღარ არის ჯგუფური ეტაპი, მის ნაცვლად გუნდები ერთიანი ლიგის სისტემით ითამაშებენ. 36 გუნდი ლიგის ფაზაში 8 შეხვედრას გამართავს. 4-ს შინ და 4-ს – გასვლაზე.
გუნდები 4 კალათად იქნებიან დაყოფილი. ყოველი კალათიდან ერთ გუნდს 2-2 მოწინააღმდეგე შეხვდება, საიდანაც ერთს სახლში ეთამაშება და მეორეს – გასვლაზე.
საბოლოო ჯამში შედგება 36-გუნდიანი ცხრილი. საიდანაც საუკეთესო 8 გუნდი მერვედფინალში პირდაპირ გავა. მე-9-დან 24-ე ადგილების ჩათვლით გუნდები კი ორმატჩიან წინასწარი პლეი ოფის რაუნდს ითამაშებენ, შინ და გასვლაზე, და ასე დააკომპლექტებენ მერვედფინალს.
25-ე ადგილს ქვემოთ გასული გუნდები ევროპა ლიგაზე არ გადაინაცვლებენ, პირდაპირ გამოეთიშებიან ევროტურნირებს.
ჩემპიონთა ლიგა 2024-25 – წილისყრა
ლიგის ისტორიაში პირველად წილისყრა მონტე კარლოში გაიმართება. 36 გუნდი 4 კალათშია გადანაწილებული.
ლიგის ერთიან ცხრილში თითოეული გუნდი ყოველი კალათიდან 2-2 გუნდს დაუპირისპირდება. წილისყრაში მონაწილეობას კომპიუტერი ყველაზე დიდი დოზით მიიღებს. ეს ადამიანური შეცდომის ალბათობას მინიმუმამდე დაიყვანს.
ვერცერთი გუნდი ვერ შეხვდება საკუთარი ქვეყნის ასოციაციის წარმომადგენელს. ასევე დაუშვებელია, ერთ გუნდს მოწინააღმდეგედ ერთი და იმავე ქვეყნის ორზე მეტი წარმომადგენელი ჰყავდეს.
| 1-ლი კალათა |
| მადრიდის რეალი |
| მანჩესტერ სიტი |
| მიუნხენის ბაიერნი |
| პსჟ |
| ლივერპული |
| ინტერი |
| დორტმუნდის ბორუსია |
| ლაიფციგი |
| ბარსელონა |
| მე-2 კალათა |
| ლევერკუზენის ბაიერი |
| მადრიდის ატლეტიკო |
| ატალანტა |
| იუვენტუსი |
| ბენფიკა |
| არსენალი |
| ბრიუგე |
| შახტარი |
| მილანი |
| მე-3 კალათა |
| ფეიენოორდი |
| ლისაბონის სპორტინგი |
| პსვ ეინდჰოვენი |
| ზაგრების დინამო |
| ზალცბურგი |
| ლილი |
| ბელგრადის რედ სტარი |
| იანგ ბოიზი |
| სელტიკი |
| მე-4 კალათა |
| ბრატისლავის სლოვანი |
| მონაკო |
| პრაღის სპარტა |
| ასტონ ვილა |
| ბოლონია |
| ჟირონა |
| შტუტგარტი |
| გრაცის შტურმი |
| ბრესტი |
სად ვუყურო ჩემპიონთა ლიგის წილისყრას
ჩემპიონთა ლიგის წილისყრის პირდაპირ ეთერში ნახვა 29 აგვისტოს, 20:00 საათიდან setantasports.com-სა და Setanta Sports 1-ზე იქნება შესაძლებელი.
წილისყრას ქართულენოვან ეთერში გიორგი საძაგლიშვილი და გიორგი ციხისთავი გააკომენტარებენ.
ჩემპიონთა ლიგა 2024-25 – კალენდარი
ლიგის ფაზა 17 სექტემბერს დაიწყება და 29 იანვარს დასრულდება. 8 ტურს გუნდები სწორედ ამ დროში ჩახურავენ, შემდეგ კი პლეი ოფები დაიწყება.
ფინალი 31 მაისს მიუნხენში, მიუნხენის სტადიონზე(ალიანც არენაზე) გაიმართება.
- ტური 1: 17–19 სექტემბერი 2024
- ტური 2: 1-2 ოქტომბერი 2024
- ტური 3: 22-23 ოქტომბერი 2024
- ტური 4: 5-6 ნოემბერი 2024
- ტური 5: 26-27 ნოემბერი 2024
- ტური 6: 10-11 დეკემბერი 2024
- ტური 7: 21-22 იანვარი 2025
- ტური 8: 29 იანვარი 2025
ჩემპიონთა ლიგის სრული სეზონის ნახვას setantasports.com-ზე შეძლებთ. თვიურ გამოწერაზე 30 %-იანი ფასდაკლების მისაღებად, შეგიძლიათ გამოიყენოთ პრომო კოდი NEWS24.
