ბუდუ ზივზივაძე დებიუტი – ქართველი ფორვარდი უნიონთან მატჩს ძირითადი შემადგენლობიდან იწყებს.
მატჩი ფოიტ არენაზე 18:30 წუთიდან იწყება და მისი ხილვა setantasports.com-ზე შეგიძლიათ.
ჰაიდენჰაიმი vs უნიონი
ბუდუს გერმანული მედია სავარაუდო შემადგენლობაში სასტარტოში მოიაზრებდა. გუნდის ახალწვეულის ჰაიდენჰაიმში ძალიან ეიმედებათ. ამას გარდა, მასპინძლებს პიერინგერი და თომალა ვერ ეხმარება, ამან კი ბუდუს ძირითადში დაყენება გარდაუვალი გახადა.
განსხვავებული ფორმაციით დგას უნიონ ბერლინიც. შტეფან ბაუმგარტმა კიოპენიკური გუნდი 5-დან 4 მცველზე გადააწყო. ეს კი ბუდუს შანსებს გაზრდის – გამოიჩინოს თავი პირველსავე ბუნდესლიგურ მატჩში.
ბუდუ ბუნდესლიგაში
ბუდუ საქართველოს ნაკრების პირველი ფეხბურთელია, ვინც 2014 წლის მერე ბუნდესლიგაში ითამაშებს.
ბუდუ გახდება მე-11 ქართველი ვინც ბუნდესლიგაში ითამაშებს და მე-14 ვინც ბუნდესლიგური გუნდის განაცხადში იქნება.
