ელვერსბერგი vs ჰაიდენჰაიმი – ბუნდესლიგის სარელეგაციო პლეი ოფის საპასუხო მატჩი დღეს გაიმართება. ამ მატჩის ბედი გადაწყვეტს ითამაშებს თუ არა ბუდუ ზივზივაძის გუნდი მომდევნო სეზონში ბუნდესლიგაში.
პირველი შეხვედრა ფოიტ არენაზე 2-2 დასრულდა, ახლა კი მასპინძელი ელვერსბერგის ვალდშტადიონი იქნება.
ელვერსბერგი vs ჰაიდენჰაიმი – პირდაპირი რეპორტაჟი
ელვერსბერგი vs ჰაიდენჰაიმი მატჩის პირდაპირი რეპორტაჟის ხილვას setantasports.com-ზე 22:30 წუთიდან შეძლებთ.
შეხვედრის ქართულენოვანი რეპორტაჟის კომენტატორები ვახო გოგალაძე და გიორგი ფულარიანი იქნებიან.
ჩვენს პლატფორმაზე ფასდაკლების მისაღებად შეგიძლიათ, პრომო კოდები NEWS25 ან YEAR25 გამოიყენოთ.
NEWS25 – ერთთვიან გამოწერაზე – 30%.
YEAR25 – ერთწლიან გამოწერაზე – 30%.
პროცესი ამ ორი ბანერიდან სასურველზე ხელის დაჭერითაც შეგიძლიათ დაიწყოთ.
ამასთან, ძველი პრომო კოდები – NEWS24 და YEAR24 კვლავ აქტიურია.
ელვერსბერგი vs ჰაიდენჰაიმი – პრევიუ
ბოლო ბილეთი ბუნდესლიგაში – გადამწყვეტი მატჩი, წინა შეხვედრის შემდეგ ანგარიში თანაბარია – ვის დარჩება ბოლო ადგილი ელიტაში?
ჰაიდენჰაიმისა და ელვერსბერგის დაპირისპირება გადამწყვეტ ფაზაში შევიდა. პირველი მატჩი 2:2 დასრულდა და ყველაფერი კვლავ გასარკვევია – საგოლე უპირატესობა არ არსებობს, გამარჯვებული დღეს, მინდორზე გამოვლინდება. გამარჯვება 90 წუთში, დამატებით დროში ან თუნდაც პენალტებში – ყველა გზა ბუნდესლიგისკენ მიდის.
მსაჯების ბრიგადა
მთავარი მსაჯი: საშა შტეგემანი
ასისტენტები: კრისტოფ გუნში, მარკო ახმიულერი
მეოთხე მსაჯი: ტიმო გერახი
ვიდეორეფერი: სიორენ შტორკსი
ვიდეორეფერის ასისტენტი: კრისტიან ფიშე
ჰორსტ შტეფენის სიტყვები:
„გვიხარია, რომ ისევ გვექნება შესანიშნავი ატმოსფერო და ჩვენს ფანებს კიდევ ერთხელ მივესალმებით შინ. პირველ შეხვედრაში მართლაც კარგი მატჩი ვნახეთ – ორივე გუნდი გაბედულად და ხარისხიანად თამაშობდა. ჩვენს ბიჭებს პოზიტიური ემოციები გამოჰყვათ იმ თამაშიდან. დიდი ინტენსივობა იყო, და ვიცით, რომ ორშაბათსაც იგივე დაგვხვდება. იგივე ინტენსივობით უნდა ვითამაშოთ, რაც ალბათ მეტოქესაც მოეთხოვება.“
ფრანკ შმიდტის სიტყვები:
„ველი ემოციებს – როგორც უნდა იყოს. ეს რაღაცით რეგენსბურგის შეხვედრას ჰგავს. მაშინაც ჩამორჩენაში ვიყავით – 2:0, 90 წუთის შემდეგ 2:1, მაგრამ ტიმ კლაინდინსტის გოლით 3:2 მოვიგეთ და დავწინაურდით. ასეთ თამაშებში რწმენა აუცილებელია წარმატებისთვის – ჩვენ ასე ვუდგებით საქმეს.“
სავარაუდო შემადგენლობები
ჰაიდენჰაიმი:
მიულერი – მაინკა, გიმბერი, ზირსლებენი – ტრაორე, ვანერი, შიოპნერი, სიენზა, კრეციგი – პიერინგერი, ჰონსაკი
ელვერსბერგი:
კრისტოფი – ბაუმი, პინკერტი, ლე ჟონკური, ნოიბაუერი – ფელჰაუერი, შაჰინი – პეტკოვი, დამარი, ციმერშედი – ასლანი
წინა მატჩში გუნდები იშვიათად გადადიოდნენ მაქსიმალურ სიჩქარეზე. ჰაიდენჰაიმის სირლორდ კონტემ სეზონში ორჯერ გამოავლინა დროებით რეკორდული სიჩქარე (36.82 კმ/სთ), თუმცა ამჯერად მხოლოდ 33.05 კმ/სთ დაფიქსირდა. ელვერსბერგის რობინ ფელჰაუერი ოდნავ სწრაფი აღმოჩნდა – 33.96 კმ/სთ.
გრძელი სუნთქვა ელვერსბერგს
ელვერსბერგმა უკეთესი ფიზიკური მომზადება აჩვენა – საერთო ჯამში მათ 125.9 კმ ირბინეს, რაც ჰაიდენჰაიმზე 4.2 კმ-ით მეტია. განსაკუთრებით აღსანიშნავია სემიჰ შაჰინის 13.1 კმ.
დუელის პულსი მეორე ტაიმში შეცვალა ჰაიდენჰაიმმა
პირველი ტაიმი ელვერსბერგს სრულად ეკუთვნოდა, მაგრამ მეორე ტაიმში ჰაიდენჰაიმმა თამაშის სურათი შეცვალა და დიდი შანსები შექმნა. მათ 23 დარტყმიდან მოსალოდნელი გოლების მაჩვენებელი 3.18 იყო, რაც ბევრად აღემატება ელვერსბერგის 2.0-ს 15 დარტყმიდან.
გადამწყვეტი მატჩი – ყველაფერი იწყება თავიდან
პირველი მატჩი ფრედ დასრულდა – 2:2. გასვლითი გოლის წესი არ მოქმედებს, რაც იმას ნიშნავს, რომ გამარჯვებული მხოლოდ ამ თამაშიდან გამოვლინდება. ფრის შემთხვევაში დამატებითი 30 წუთი და პენალტები – ეს არის გზა ბუნდესლიგაში.
ბუდუს ლუკას ნმეჩას მიყენებული ტრავმის გამო კვლავ თადარიგიდან ველით, თუმცა წინა შეხვედრაშიც ვნახეთ, როგორ გაამწვავა ქართველმა ლეო სიენზასა და პაულ ვანერთან ერთად თამაში, ცვლილებაზე გამოსვლის შემდეგ.
