დორტმუნდი vs ლევერკუზენი Setanta Sports-ზე ბუნდესლიგა ტოპ მატჩით ბრუნდება. ზიგნალ იდუნა პარკი, 81 365 გულშემატკივარი და უმაღლესი დონის ფეხბურთი – 23:30-დან სწორედ ეს გველის.
ბორუსია vs ბაიერი მატჩის პირდაპირი რეპორტაჟის ნახვა setantasports.com-სა და Setanta Sports-ზე 10 იანვარს, 23:30 წუთიდან შეგეძლებათ. ქართულენოვანი მატჩის კომენტატორები კი მიშო ჩიტიძე და მე ვიქნებით.
setantasports.com-ზე ფასდაკლების მისაღებად შეგიძლიათ პრომო კოდები გამოიყენოთ.
NEWS24 – ერთთვიან გამოწერაზე – 30%
YEAR24 – ერთწლიან გამოწერაზე – 30%
დორტმუნდი vs ლევერკუზენი
დორტმუნდმა დახურა, დორტმუნდი ხსნის. 18-დღიანი შესვენება ბუნდესლიგაში დასრულებულია.
მართალია ბუნდესლიგაში ჯერ მხოლოდ 15 ტურია ნათამაშები და პირველი წრის დასრულებამდე კიდევ ორი ტური დარჩა, თუმცა ბუნდესლიგაში ჰინრუნდე უკვე შეაჯამეს. მისი ხილვა კი ჩვენს პლატფორმაზე შეგიძლიათ.
მე-6 ადგილზე მყოფი დორტმუნდი, მე-2 პოზიცია გამოზამთრებული ლევერკუზენის წინააღმდეგ.
ზედიზედ სამი ფრის შემდეგ ბორუსიამ ბოლო ტურში ვოლფსბურგი გასვლაზე დაამარცხა, ხოლო ბაიერმა ფორმის აკრეფის შემდეგ კუთვნილი მე-2 ადგილი გაიმყარა, მდევარ პელეტონს მოსწყდა და ბაიერნთან ყველაზე ახლოს, 4-ქულიანი ჩამორჩენით დადგა.
აღსანიშნავია, რომ ჩაბი ალონსოს გუნდს 2024 წელს გასვლაზე ერთი მატჩიც კი არ წაუგია. საპირისპიროდ, შინ საუცხოოდ გამოიყურება დორტმუნდი – ბორუსიამ 24 აგვისტოდან მოყოლებული საკუთარ მოედანზე ზედიზედ 8 თამაში მოიგო.
ნური შაჰინის გუნდმა შინ მხოლოდ ამის მერე, ისიც ოდნავ აურია. 2 ფრე და 1 მარცხი. ფრეები ბაიერნთან, დერ კლასიკერში და ჰოფენაჰაიმთან, ხოლო მარცხი ჩემპიონთა ლიგაზე ბარსელონასთან 2-3.
დორტმუნდი vs ლევერკუზენი
4 მატჩია ბაიერს დორტმუნდი არ დაუმარცხებია. წინა სეზონში ორივე მატჩი ფრედ მორჩა, მანამდე კი ორივე დორტმუნდმა მოიგო.
ურთიერთშეხვედრებში ბორუსია შინაც კარგად გამოიყურება – ბოლო 9 მატჩიდან შვარცგელბენმა ბაიერს 7 მოუგო.
2004 წლის შემდეგ დორტმუნდს წლის გამხსნელი მატჩი არასდროს წაუგია.
ამავე ტურში, უკვე ხვალ, ბუნდესლიგაში ბუდუ ზივზივაძის დებიუტი შედგება. ჰაიდენჰაიმი vs უნიონ ბერლინი 18:30 წუთიდან დაიწყება.
