პსჟ vs ასტონ ვილა – ხვიჩა კვარაცხელია ჩემპიონთა ლიგის 1/4-ფინალში ითამაშებს. ფრანგულ-ინგლისური დაპირისპირების პირველ მატჩს პარკ დე პრენსი უმასპინძლებს.
პსჟ vs ასტონ ვილა – პირდაპირი რეპორტაჟი
მატჩის პირდაპირი რეპორტაჟი საქართველოს დროით, 22:55 წუთიდან დაიწყება. ქართულენოვან რეპორტაჟზე კომენტატორები ანდრო ხელაძე და გიორგი ციხისთავი იქნებიან.
ჩვენს პლატფორმაზე ფასდაკლების მისაღებად შეგიძლიათ, პრომო კოდები NEWS25 ან YEAR25 გამოიყენოთ.
NEWS25 – ერთთვიან გამოწერაზე – 30%
YEAR25 – ერთწლიან გამოწერაზე – 30%
პროცესი ამ ორი ბანერიდან სასურველზე ხელის დაჭერითაც შეგიძლიათ დაიწყოთ.
ამასთან, ძველი პრომო კოდები – NEWS24 და YEAR24 კვლავ აქტიურია.
პსჟ vs ასტონ ვილა
ჩემპიონთა ლიგის მეოთხედფინალური ეტაპი უმნიშვნელოვანესი დაპირისპირებით განახლდება – პარი სენ-ჟერმენი საკუთარ მოედანზე ინგლისურ ასტონ ვილას მიიღებს. Opta-ს სუპერკომპიუტერის პროგნოზით, პირველი მატჩის მოგების ალბათობა მასპინძლებს 64.2%-ით აქვთ, თუმცა უნაი ემერის ვილა სეზონის ერთ-ერთ ყველაზე სახიფათო და მოტივირებულ გუნდად გვევლინება.
პირველი შეხვედრა ისტორიაში
ეს იქნება პირველი შემთხვევა, როდესაც პსჟ და ასტონ ვილა ერთმანეთს ევროტურნირზე შეხვდებიან. ამავე დროს, ეს მეორე შემთხვევაა ბოლო რვა სეზონში, როცა ფრანგული და ინგლისური გუნდი მეოთხედფინალში ერთმანეთს შეხვდებიან (მანჩესტერ სიტი – ლიონი, 2019-20).
პსჟ – სტაბილური დომინაცია
ლუის ენრიკეს გუნდი ლიგა 1-ში წაუგებლად ასპარეზობს – უკვე 28-მატჩიანი დაუმარცხებელი სერია კლუბის რეკორდია. შაბათს, ანჟესთან გამარჯვებით (1:0), პარიზელებმა საფრანგეთის ჩემპიონობა კიდევ ერთხელ გაიფორმეს და ახლა სრული კონცენტრაცია ჩემპიონთა ლიგაზეა გადატანილი.
პსჟ-ის შემტევი მანქანა შეუჩერებლად მუშაობს: 2025 წელს მათ უკვე 21 მატჩი მოიგეს და 73 გოლი გაიტანეს — ეს ევროპაში ყველაზე მეტია. მათ აქვთ ყველაზე მაღალი მოსალოდნელი გოლების მაჩვენებელი (118.6 xG), ყველაზე მეტი დარტყმა (878), ზუსტი დარტყმები კარში (365) და შექმნილი რეალური საგოლე მომენტები (235).
უსმან დემბელემ ჩემპიონთა ლიგის ბოლო 6 შეხვედრაში 7 გოლი გაიტანა. საუცხოოდ გამოიყურება ხვიჩა კვარაცხელიაც, ხარისხის მიღმა კვარას სტატისტიკურად ლიგაზე 1 გოლი და 1 ასისტი აქვს. ის გოლი პირველი ქართული ბურთი აღმოჩნდა, რომელიც ჩემპიონთა ლიგის პლეი ოფში გავიდა.
პსჟ არის ტურნირში დარჩენილი გუნდებიდან ყველაზე ახალგაზრდული სასტარტო შემადგენლობით წარმოდგენლი.
ვილა – ემერის ევროპული მისია
ასტონ ვილა შესანიშნავ სეზონს ატარებს: ვილანები პრემიერლიგაში ოთხეულისთვის იბრძვიან, ასოციაციის თასზე ნახევარფინალში არიან გასულნი და ჩემპიონთა ლიგაზე მტკიცედ მიიწევენ წინ. უნაი ემერი ევროთასებზე გამოცდილი ტაქტიკოსია და მისი გუნდები ხშირად სწორედ ასეთ სტადიებზე იჩენენ თავს.
ვილას უკვე 13 გამარჯვება აქვს 2025 წელს. ბირმინგემელებმა ამ დროში 37 გოლი გაიტანეს. გუნდის წამყვან ფეხბურთელთა შორის არიან მარკუს რეშფორდი (მანჩესტერ იუნაიტედიდან იჯარით), ოლი უოტკინსი (6 გოლი, 6 ასისტი), და მორგან როჯერსი (7 გოლი, 5 ასისტი).
განსაკუთრებული სიუჟეტური ხაზია მარკო ასენსიოს გარშემო — პსჟ-დან იჯარით ვილაში გადაბარგებულმა ესპანელმა უკვე 8 გოლი გაიტანა და 1 საგოლე გადაცემა გააკეთა. ჩემპიონთა ლიგაზე კი ორ შეხვედრაში სამჯერ გაიტანა, მაშინ როცა პსჟ-ში ჩატარებულ 10 მატჩში მას გოლი არ გაეტანა.
სტატისტიკური დაპირისპირება
- პსჟ ამ სეზონში მეოთხე ინგლისურ გუნდს ეთამაშება (არსენალი, სიტი, ლივერპული — აქამდე).
- ემერის გუნდს არასდროს მოუგია საფრანგეთში ევროპულ მატჩში (5 შეხვედრა: 2 ფრე, 3 მარცხი).
- ენრიკესა და ემერის შორის პირად დაპირისპირებაში ენრიკეს აშკარა უპირატესობა აქვს – 10 მატჩიდან 7 მოიგო, 2 დათმო და 1 ფრედ ითამაშა.
პროგნოზი
Opta-ს ალგორითმის მიხედვით, პარიზელები ფავორიტებად რჩებიან, როგორც პირველი შეხვედრის, ასევე ორმატჩიანი დაპირისპირების მხრივ. პსჟ-ს 72.2% შანსი აქვს ნახევარფინალში გასვლის, ხოლო ასტონ ვილას – 27.8%.
თუმცა, ვისაც უნაი ემერის ევროპულ გამოცდილებას სჯერა, კარგად იცის — ინგლისური კლუბი ბრძოლას ბოლომდე აპირებს.
ფაქტები და სტატისტიკა
ინგლისური კლუბი პირველად მოხვდა ჩემპიონთა თასის საუკეთესო რვა გუნდში, მას შემდეგ, რაც 1982/83 წლების სეზონში, როგორც მოქმედმა ჩემპიონმა, სწორედ ამ ეტაპზე დაასრულა გამოსვლა. პარიზელები კი ბოლო ექვს სეზონში მეოთხედფინალში მეოთხედ გავიდნენ და ბოლო სამი მეოთხედფინალი მოიგეს.
პსჟ ზედიზედ მეორე წრეში ხვდება პრემიერ ლიგის წარმომადგენელს – მერვედფინალში პარიზელებმა ლივერპული პენალტების სერიაში დაამარცხეს (ჯამში 1:1), მაშინ როდესაც ვილამ ბრუგეს 6:1 მოუგო ორ მატჩში.
ეს გუნდები ერთმანეთს პირველად უპირისპირდებიან – ერთადერთი წყვილი მეოთხედფინალებში, რომლის ისტორია აქამდე არ არსებობდა.
ფორმის გზამკვლევი
პარი სენ-ჟერმენი
ინგლისური კლუბების წინააღმდეგ სტატისტიკა: 10 მოგება, 9 ფრე, 14 მარცხი (გატანილი 41, გაშვებული 47)
სახლში ინგლისური კლუბების წინააღმდეგ: 6 მოგება, 5 ფრე, 5 მარცხი
პარიზელებისთვის ეს უკვე მეხუთე მატჩია ინგლისურ კლუბებთან ამ სეზონში და მესამედ ზედიზედ. მერვედფინალის პირველ მატჩში სახლში 0:1 წააგეს ლივერპულთან, თუმცა ანფილდზე იმავე ანგარიშით გაიმარჯვეს და შემდეგ პენალტებით 4:1 გაიარეს.
ეს იყო მათი პირველი ორი მატჩიანი დაპირისპირება ინგლისურ გუნდთან მას შემდეგ, რაც 2020/21 წლების ნახევარფინალში მანჩესტერ სიტისთან 1:4 დამარცხდნენ – ეს მათთვის ზედიზედ მესამე წაგებული ორმატჩიანი დაპირისპირება იყო ინგლისელებთან. საერთო ბალანსი ასეთია: 4 მოგება, 5 მარცხი.
ლივერპულთან განმეორებითი გამარჯვება პარიზელთა მხოლოდ მესამე იყო ბოლო 10 მატჩში ინგლისური კლუბების წინააღმდეგ. ამავე პერიოდში მათ 6 წაგება დააგროვეს, მათ შორის 0:2 არსენალთან მე-2 ტურში.
ეს პსჟ-სთვის ჩემპიონთა ლიგის მეოთხედფინალში მეცხრე მონაწილეობაა (4 მოგება, 4 მარცხი). წინა სეზონში ბარსელონასთან გამარჯვებამ ზედიზედ მესამე ორმატჩიანი მოგება მოუტანა მათ.
პსჟ მონაწილეობს ჩემპიონთა ლიგის ჯგუფურ ეტაპზე მეთვრამეტედ და ამით რეკორდი დაამყარა საფრანგეთში, გადაასწრო ლიონს. 2012/13 წლიდან მოყოლებული ყველა სეზონში გავიდნენ პლეი-ოფში.
პარიზელებმა ბოლო 44 ევროპული მატჩიდან 21 მოიგეს (8 ფრე, 15 მარცხი), მათ შორის უკანასკნელი შვიდიდან ექვსი. სახლში ბოლო 81 მატჩიდან 50 მოიგეს (20 ფრე, 11 მარცხი), თუმცა ლივერპულთან წაგება მათი ბოლო 31 საშინაო შეხვედრაში მე-10 იყო და უკანასკნელ 8-ში – მეოთხე.
ასტონ ვილა
ფრანგულ კლუბებთან სტატისტიკა: 3 მოგება, 2 ფრე, 4 მარცხი (გატანილი 7, გაშვებული 9)
ფრანგულ კლუბებთან გასვლაზე: 0 მოგება, 2 ფრე, 3 მარცხი
ვილამ უკვე წააგო საფრანგეთში ამ სეზონში – 0:1 მონაკოსთან მე-7 ტურში, რის შედეგადაც ჯერ კიდევ არ მოუგიათ ლიგა 1-ის კლუბს გასვლით მატჩში.
წინა სეზონში კონფერენციის ლიგის მეოთხედფინალში ლილი პენალტებით დაამარცხეს (ჯამში 3:3). ფრანგებთან ორმატჩიან დაპირისპირებაში მათი ბალანსია: 3 მოგება, 1 მარცხი.
უნაი ემერის გუნდი ლილთან შინ 2:1 მოიგო – ეს იყო მათი ერთადერთი გამარჯვება ბოლო 5 შეხვედრაში ლიგა 1-ის წარმომადგენლებთან (1 ფრე, 3 მარცხი) და საერთო ჯამში 9 მატჩიდან მხოლოდ მესამე მოგება.
ევროსარბიელზე მეოთხედფინალში ბალანსი: 1 მოგება, 1 მარცხი.
ევროპის თასზე მონაწილეობენ მესამედ და პირველად 1982/83 წლების შემდეგ, როდესაც მოქმედმა ჩემპიონმა იუვენტუსთან 2:5 წააგეს.
ევროკონფერენციის ლიგაზე 2023/24 წლების სეზონში ნახევარფინალში ოლიმპიაკოსთან 2:6 დამარცხდნენ.
ბრუგესთან 3:1 გამარჯვება მერვედფინალის პირველ მატჩში იყო ვილასთვის ბოლო 16 გასვლით ევროპულ შეხვედრაში მეხუთე გამარჯვება. ამ პერიოდში მათ 8 მარცხი აქვთ.
კავშირები და ფაქტები
- უნაი ემერი პსჟ-ს მთავარი მწვრთნელი იყო 2016-2018 წლებში, ორჯერ მოიგო ქვეყნის თასი და ლიგის თასი, ერთხელ ლიგა 1.
- მარკოს ასენსიო ვილაში იჯარით ჩაირიცხა პარიზიდან. პსჟ-ში 47 მატჩში 7 გოლი გაიტანა.
- ლუკას დინი ლილის აკადემიაში იზრდებოდა (2005–13) და პარიზში 2013–15 წლებში 44 შეხვედრა ჩაატარა.
- აქრაფ ჰაკიმი და მარკოს ასენსიო ერთად თამაშობდნენ რეალში 2017/18.
- ვიტინია 2020/21 წლების სეზონში ინგლისში იყო (ვულვზი).
- საფრანგეთში თამაშობდნენ: ტიელემანსი, დიეგო კარლოსი, დინი, კამარა, ონანა, ბარკლი.
- აქსელ დისასი პარიზში დაიბადა და კარიერა პარიზ FC-ში დაიწყო. თამაშობდა რეიმსში და მონაკოში.
- ეროვნული ნაკრების თანაგუნდელები: ბევრი ფრანგი ფეხბურთელი ვილასა და პსჟ-ს შემადგენლობიდან.
- ემერი და ლუის ენრიკე ერთმანეთს 10-ჯერ შეხვდნენ (2 მოგება, 1 ფრე, 7 მარცხი). ყველაზე ხმაურიანი – ბარსელონას 6:1 გამარჯვება პსჟ-სთან, რაც 0:4 მარცხის შემდეგ მოხდა.
- მარკუს რაშფორდის პენალტით მანჩესტერ იუნაიტედმა 3:1 მოიგო პარიზში 2018/19 წლების სეზონში.
უახლესი ამბები
პსჟ
- შაბათს დეზირე დუემ მოაგებინა პსჟ-ს ანჟერთან (1:0) და კლუბმა ჩემპიონობა გაიფორმა 6 ტურით ადრე.
- პსჟ-მ ბოლო 13 სეზონიდან 11 ლიგის ტიტული მოიგო.
- მარკინიოსი გახდა პირველი მოთამაშე, ვინც 10 ლიგა 1-ის ტიტული მოიგო.
- დუეს ბოლო 3 მატჩში 4 გოლი აქვს. ლიგაში 5 გოლი და 6 ასისტი.
- პარიზელებმა ბოლო 17 მატჩიდან მხოლოდ ლივერპულთან წააგეს. 29 თამაშიდან მხოლოდ ერთი მარცხი.
- ბოლო 6 თამაშში 19 გოლი გაიტანეს.
- საფრანგეთის თასის ფინალში არიან და 24 მაისს რეიმსს შეხვდებიან.
- დემბელეს 2025 წელს 20 თამაშში 24 გოლი აქვს და ლიგაში 21. ჯამში 29 გოლი – მისი კარიერის საუკეთესო სეზონია.
- დუემ დებიუტი საფრანგეთის ნაკრებში 23 მარტს მოახდინა ხორვატიასთან.
- ფაბიან რუისს ლიგაში 50 მატჩია წაგების გარეშე – კლუბის რეკორდია.
- კანგ-ინ ლი და არნაუ ტენასი ტრავმირებულები არიან.
ასტონ ვილა
- ემერის გუნდმა ბოლო 7 მატჩი მოიგო, მათ შორის სამი ზედიზედ 3:0.
- ნოტინგემთან გამარჯვებაში მორგან როჯერსმა გახსნა ანგარიში – ბოლო 14 მატჩში 6 გოლი და 4 ასისტი.
- დონიელ მალენმა ბოლო ორ შეხვედრაში გაიტანა.
- კრისტალ პალასთან 1:4 მარცხი მათი ბოლო 12 თამაშში ერთადერთი წაგებაა.
- 8 წაგებიდან 7 გასვლითი მატჩებშია. პალასთან 3 ბურთით წააგეს.
- თუმცა, ბოლო 4 გასვლითი თამაში მოიგეს (10 გოლი გაიტანეს, 1 გაუშვეს).
- პრესტონთან 3:0 გამარჯვებით თასის ნახევარფინალში გავიდნენ.
- მარკოს ასენსიომ ვილაში 11 მატჩში 8 გოლი გაიტანა. მარკუს რაშფორდმა ბოლო 3 მატჩში 3.
- როს ბარკლი იანვრიდან არ თამაშობს (კუნთის ტრავმა).
- ლეონ ბეილი ფეხის ტრავმით გასულია 10 მარტიდან.
პსჟ vs ასტონ ვილა – ნახეთ პირდაპირი რეპორტაჟი setantasports.com-ზე.
