გრიზმანმა საყოველთაო ქება დაიმსახურა

საფრანგეთის ნაკრებმა მაროკო 2:0 დაამარცხა და ზედიზედ მეორედ ითამაშებს მსოფლიო ჩემპიონატის ფინალში. ფრანგებს აქვთ შანსი იტალიისა (1934-38) და ბრაზილიის (1958-1962) შემდეგ გახდნენ მესამე ნაკრები, რომელიც ზედიზედ მეორედ შეძლებს მუნდიალის მოგებას.

განსაკუთრებული ქება დაიმსახურა ანტუან გრიზმანმა, როგორც წინა მსოფლიო ჩემპიონატზე, ისე ახლაც, გრიზმანი დეშამისთვის ყველაზე მნიშვნელოვანი ფეხბურთელია, თუმცა, წინა ჩემპიონატისგან განსხვავებით, ამჯერად აბსოლუტურად განსხვავებული როლი ერგო.

საქმეც ამაშია, ანტუანი არასდროს გამოთქვამს პროტესტს, არასდროს აქვს პრეტენზია, უბრალოდ ასრულებს იმ დავალებას, რასაც დეშამისგან იღებს. მაროკოსთან ნახევარფინალში გრიზმანმა ნახევარმცველად ითამაშა და ძალიან დიდი სამუშაო გასწია დაცვით ფაზაში. ამ კომპონენტში ჯერ კიდევ “ბარსელონაში” ჰქონდა დიდი პროგრესი, თუ შეტევაში არ გამოსდიოდა თამაში, დაცვაში მოჰქონდა სარგებელი. ახლა ეს ყველაფერი ეროვნულ ნაკრებშიც ვნახეთ, რასაც დიდი გამოხმაურება მოჰყვა.

გრიზმანმა გამაკვირვა, მას აქვს ინტელექტი და ხარისხი იმისათვის, რომ ეს შეძლოს, – თქვა დიდიე დროგბამ, – ის უფრო მეტად კანტეს ჰგავდა, ვიდრე საკუთარ თავს”.

გრიზმანის თამაშს გამოეხმაურა პოლ პოგბაც, რომელიც ტრავმის გამო ტოვებს მსოფლიო ჩემპიონატს, პოგბამ ინსტაგრამზე ერთი სიტყვა დაწერა, ყველასთვის გასაგებად, – “Griezmannkante”.

პოგბას მსგავსად ჩემპიონატს ტოვებს ნგოლო კანტეც, ფრანგები შიშობდნენ, რომ მოედნის ცენტრში პრობლემები ექნებოდათ, ამას დაემატა რაბიოს ტრავმა მაროკოსთან მატჩის წინ, მაგრამ გრიზმანის დამსახურებით ყველაფერი კარგად დასრულდა.

აჟიტირებული და ზედმეტად ემოციური იყო კრისტოფ დიუგარი, – “ყოველთვის ზუსტი ტემპი აქვს არჩეული, ყოველთვის ზუსტი პასი, ვთვლი, რომ გრიზმანის გარეშე საფრანგეთი სულ სხვა გუნდი იქნებოდა. გრიზმანი ზიდანისა და პლატინის სინთეზია”.

დაკავშირებული სტატიები
ავტორის შესახებ
არმაზ ახვლედიანი
არმაზ ახვლედიანი
მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

სარჩევი

ჩაყვინთვის სპორტში
ტოპ ლიგები
პრემიერ ლიგა
ბუნდესლიგა
ლა ლიგა
ბუნდესლიგა
ლიგა 1
მიჰყევით SETANTA-ს

მიიღე წვდომა ჩვენს პლატფორმაზე