საქართველო 83-69 ესპანეთი – საქართველოს ნაკრებმა ევრობასკეტი დიდი სენსაციით გახსნა. კალათბურთის ეროვნულმა გუნდმა ევროპის მოქმედი ჩემპიონი დაამარცხა.
ალექსანდერ ჯიკიჩის გუნდმა მოწინააღმდეგეს და ჯგუფის ფავორიტს 14-ქულიანი უპირატესობით სძლია. საბოლოოდ მატჩი 83:69 დასრულდა – 20:17, 17:18, 20:14, 26:20.
საინტერესოა, რომ საქართველომ ესპანეთს ოთხივე მეოთხედი მოუგო.
საქართველოს ნაკრების სასტარტო შემადგენლობა ესპანეთთან:
კამარ ბოლდუინი, დუდა სანაძე, თორნიკე შენგელია, სანდრო მამუკელაშვილი, გოგა ბითაძე – ჯიკიჩმა საქართველოს სასტარტო ამ ხუთეულით ააწყო.
საქართველოს ნაკრებიდან საუკეთესო შედეგი სანდრო მამუკელაშვილს ჰქონდა – 19 ქულა, 7 მოხსნა და 6 შედეგიანი გადაცემა. გოგა ბითაძემ შეხვედრა 15 ქულით დაასრულა, თორნიკე შენგელიამ კი 13 ქულა ჩაწერა.
საინტერესოა, რომ ესპანეთის შემადგენლობაში არის როტაცია, თუმცა ევროპის მოქმედ ჩემპიონს წინა გათამაშებიდან 6 კალათბურთელი კვლავ შემადგენლობაში ჰყავს.
ამ სენსაციური გამარჯვებით საქართველოს ნაკრები C ჯგუფის ლიდერად იქცა, ჯგუფის დარჩენილი მატჩები დღესვე ჩატარდება – ბოსნია vs კვიპროსი, იტალია vs საბერძნეთი.
საქართველოს ნაკრების შემდეგი მატჩი 30 აგვისტოს, იტალიის ნაკრების წინააღმდეგ გაიმართება.
ჩვენს პლატფორმაზე ფასდაკლების მისაღებად შეგიძლიათ, პრომო კოდები NEWS25 ან YEAR25 გამოიყენოთ.
NEWS25 – ერთთვიან გამოწერაზე – 30%.
YEAR25 – ერთწლიან გამოწერაზე – 30%.
პროცესი ამ ორი ბანერიდან სასურველზე ხელის დაჭერითაც შეგიძლიათ დაიწყოთ.
ამასთან, ძველი პრომო კოდები – NEWS24 და YEAR24 კვლავ აქტიურია.
